سجل واستلم .. للمعلمين والمعلمات نسخة مجانية من كتاب الامتحان وكتاب الاضواء 2023

عاجل طرح شقق تقسيط وزارة الاسكان قسط ٥٠٠ جنيه شهري استلام فوري الاسبوع المقبل الاعلان السادس عشر

عاجل طرح شقق تقسيط ٣٠ سنة ٦٠٠ جنيه شهري كاملة التشطيب  اليكم التفاصيل

السلام عليكم قولتلكم ان خلال اسبوعين هينزل اعلان شقق الاسكان ركز معايا كدة وهتعرف ازاي تقدم وتتقبل ١٠٠٪ واعرف ازاي تقدم صح علشان لو قدمت صح هتتقبل ١٠٠٪ ان شاء الله والموضوع سهل خالص بس اقراء كل حاجة مكتوبة وربنا يوفقكم 

مش هتسال

تاني بعد ما تقرء كل حاجة هنا انا حاططلك كل المعلومات كاملة

ملاحظة هامة بالنسبة للقيد العائلي مطلوب من المتزوجين اللي عندهم اولاد او لا لكن المطلقات والارامل مطلوب لو في اولاد بس والاعزب مش مطلوب في ناس هتقابلهم مشاكل وهما بيعملوه او يتاخروا في استخراجه هتقدم عادي من غيره بس هتعمل القيد العائلي لما تظهر النتيجة لو القيد مطلوب وضروري ورقك هيبقا غير منطبق وهتعرف السبب لو كان بسبب انك مبعتش القيد العائلي هيبقا قدامك فرصة تقدموا وتتقبل وتبقا منطبق يعني قدم حتي لو في ورق ناقص ولما تبان النتيجة في شهر مارس تكون مجهز الورق الناقص وتبعتوا انت هتترفض لسببين رفض نهائي السن اقل من ٢١ او اكبر من ٥٠ سنة او بسبب المرتب لو كان اقل من ١٥٠٠ الحد الادني المطلوب او اعلي من الحدالاقصي المطلوب للاعزب ٦٠٠٠ او ٨٠٠٠ للمتزوجين غير كدة هيبقا قدامك فرصة تقدم اي ورق ناقص 

كراسة شروط شقق وزارة الاسكان

مهم جداً جداً  خطوات التقديم على شقه في الإعلان القادم من شراء الكراسة حتى التقديم على الموقع الإلكتروني لصندوق الإسكان وانتظار النتيجه 
هنروح نشتري الكراسة من البريد
كراسة محدود الدخل او منخفض الدخل سعرها  حوالي ١٣٠
لو هتقدم على الشقق اللي مقدمها حوالي بس ممكن يزيد شوية ١٢٥٠٠ او ١٥٥٠٠
وناخد بالنا🧐🧐🧐
ولو هتقدم على متوسط الدخل سعر الكراسة ١٥٠ او اكتر
والمقدم ٤٨٠٠٠ او ٥١٠٠٠ او ٥٥٠٠٠ بس ممكن يزيد شوية بسبب ارتفاع الاسعار
الأفضل لو نويت تقدم تدفع المقدم في نفس الوقت انت وبتشتري الكراسة توفر المشوار
ضروري ضروري قبل ما تمشي من البريد تتأكد انه معاك إيصال شراء الكراسة وإيصال دفع المقدم الايصالين دول اهم حاجة في التقديم بعد كدة لما نروح البيت نجهز الورق بتاعنا الأوراق الشخصية وإثبات الدخل وإثبات محل الاقامه اللي اتكلمنا عنهم وجهزناهم
نبتدي نقدم على الموقع وده هتلاقيه بالفيديو هنا من البداية للنهاية 
مهم جداً جداً جداً التقديم على الموقع الإلكتروني لصندوق الإسكان
الأول هنعمل حساب على الموقع من خلال اللينك ده اضغط هنا  واضغط هنا 

بعد ما نعمل الحساب هنعمل تسجيل دخول على الموقع الإلكتروني لصندوق الإسكان الاجتماعي من خلال اللينك ده اضغط هنا 
ياريت الخطوات دي بالترتيب
هنبقى مجهزين ورقنا بصيغة Pdf عشان نقدر نرفعه على الموقع التقديم من موبايل ينفع 📱والأفضل جهاز كمبيوتر 🖥️
ناخد بالنا كويس هترفع ملفين
الأول 
الأوراق الشخصية وإثبات الدخل وإثبات محل الاقامه والاستمارة والاقرار اللي في الكراسة مهمين جداً ناخد بالنا كويس لما نملاهم.
الثاني
الايصالين مع بعض إيصال شراء الكراسة وإيصال المقدم.
في فيديوهات بشرح طريقة التقديم على الموقع الإلكتروني وإنشاء حساب موجودة هنا وقناة محبي الجوكر علي اليوتيوب         

اي حد قدم هتعرف النتيجة قبل شهر ابريل (٤) هنزلكم الخير لو عشنا وهتعرف برقم بطاقتك منطبق او لا ومحدش هيترفض بسبب ورق ناقص هيبقا قدامك وقت فرصة تقدم اي ورق ناقص مقدمتهوش هتترفض في حالتين فقط رفض نهائي سنك اقل من ٢١ واكبر من ٥٠ سنة ومرتبك اقل من ١٥٠٠ واعلي من ٤٥٠٠ اعزب او اعلي ٦٠٠٠ اسرة وده محدودي الدخل

عاجل طريقة حجز شقة بالموبيل او الكمبيوتر في خمس دقايق اعلان شقق الاسكان تقسيط ٣٠ سنة جميع المواطنين

مختصر الاعلان محدودي الدخل ومتوسط الدخل فيديو هام ومختصر بس لسه منزلشي وهيكون قريب من الكلام ده ان شاءالله 

طريقة التقديم علي موقع الصندوق وحجز شقة

ملاحظة هامة لازم ترفع ورقك علي الموقع بعد ٤٨ ساعة من دفع مقدم الحجز علشان مش تظهرلك الرسالة دي الصفرة لكن تظهرلك الخضرة دي ولو كنت استعجلت ارفع الورق تاني بعد ٤٨ من دفع مقدم جدية الحجز في البريد

لينك التسجيل علي موقع الصندوق اضغط هنا 

هتلاقي في نهاية الموضوع ضفتلكم مقدم التعاقد النهائي وده غير مقدم الحجز ١٥٥٠٠ لازم تشوفوا الموضوع كله والمقدم بيكون صغير لانك هتقسط علي ٣٠ سنة  لازم تعمل حسابك عليه خلال ال ٣ سنين علشان تبقا جا

مقدم التعاقد النهائي عند استلام الشقة

بص لازم الاول تعرف البنك هيديك كام قرض تمويل عقاري فائدة ٣٪ متناقصة الخاصة بمحدودي الدخل وده تعرفوا من اي بنك انا مرتبي كذا البنك يديني قرض كام مثلا" مرتبك ٣٠٠٠ جنيه هيقولك هديك مثلا" ١٤٠ الف مثلا" يبقا هتحسب اللي هتدفعوا لحد ما توصل للبنك مقدم جدية الحجز ١٥٥٠٠ + الدعم وده بتاخدوا حسب مرتبك وهتعرفوا لما تقدم وتبان النتيجة هتلاقي في دعم نزلك ده بيتخصم من سعر الشقة + ١٢ اقساط ربع سنوية كل ٣ شهور ٢٦٠٠٠ لمدة ٣ سنين هيديك ٣١٢٠٠ + القرض التمويل العقاري وده حسب مرتبك البنك هيدهولك هتجمع الاربعة دول مع بعض ( مقدم جدية الحجز ١٥٥٠٠ + الدعم + اقساط ربع سنوية + قرض التمويل العقاري ولازم تسال عن قرض محدودي الدخل ) تجمعهم وبعد كدة تطرحهم من ٣١٠٠٠٠ تمن الشقة + ٥٪ وديعة صيانة = ٣٢٥٥٠٠ يعني هتطرحهم من ٣٢٥٥٠٠ الباقي ده اسمه مقدم التعاقد النهائي 

معلومات هامة عن شهادة الدخل 

 شهادات الدخل مجهولة المصدر من أمام مكاتب البريد حتى وأن كانت مختومه لازم أخذها مباشرة من مكتب المحاسب القانونى

عدم شراء كراسة الشروط مصوره  يجب أن تكون أصل وبرقمك القومى فقط وليس اي شخص اخر وإيصال مختوم من البريد بها  وتاكد من صحة بياناتك على الإيصال - الاسم والرقم القومى والموبيل لازم تسجلوا باسمك في الشركة اللي انت تبع شبكتها اورانج او فودافون او اي شركة تانية تروح تسجلوا باسمك لان رقم موبيلك اهم حاجة وتتاكد 

ملحوظه :

شهادة الدخل يذكر بها جملة صافى الدخل الشهرى وتؤرخ وتختم وتعتمد 

سجل إنشاء الحساب برقم موبيلك ويظل فعال معك واختار كلمة سر سهله عند إنشاء الحساب وتذكرها دائما

إنشاء الحساب سهل جدا مش محتاج شخص آخر للقيام بمهمة إنشاؤه 

أى أوراق خاصه بالحجز مهمه يجب رفعها 

برنت التأمين غير مطلوب لغير المؤمن عليهم ولكن يفضل تقديمه 

إذا كان الحجز باسم الزوج والزوجه تعمل يقدم دخل الزوجة أيضا بما لايتجاوز الحد الاقصى لمجموع صافى الدخلين 

إذا كانت الزوجه لاتعمل وألحجز باسم الزوج يتم كتابة إقرار بأن الزوجه لاتعمل

إذا كان الحجز باسم الزوجه يجب تقديم دخل الزوج أيضا مع مراعاة الحد الأقصى لمجموع صافى الدخلين وان كان الزوج لايعمل او مسافر بالخارج يتم تقديم شهادة دخل من محاسب قانونى باى عمل حر 

المتقاضون لمعاش عن الزوج او احد الوالدين وصافى المعاش للمستفيد إذا كان معه شركاء ١٥٠٠ ج فاكثر بما لا يتجاوز الحد الأقصى فغير مطلوب تقديم شهادة دخل الا اذا كان اقل من الحد الادنى ١٥٠٠ ج فيستكمل بشهادة دخل من محاسب قانونى باى عمل حر إلى جانب المعاش

مراعاة إضافة الحافز أو المكافأة الشهرية بما لا يتجاوز الحد الأقصى مع صافى الدخل الشهرى 

اول معلومة شهادة الدخل او مفردات المرتب موجهة الي ( السادة وزارة الاسكان )

 كيفية انشاء صفحة علي موقع خدمات الصندوق للتقديم علي شقق الاسكان 

1/ هتضغط علي اللينك اضغط هنا  هيفتح الموقع 

2/ هتضغط علي كلمة القائمة اللي في المربع الاصفر 

3/هتضغط علي مركز خدمة المواطنين 

4/ هتضغط علي طلبات 

5/ هتضغط علي كلمة التسجيل 

6/ هتسجل رقمك القومي ورقم تليفونك ورقم تليفونك انت مش حد قريبك لازم رقمك لان رقمك هو اللي هتعرف منه كل حاجة لحد ما تستلم شقتك  وهتكتب كلمة مرور من ست اوسبع ارقام وتحفظها كويس عشان هتحتاجها بعدين 

7/هتأتي ليك رسالة علي موبايلك بها رمز تأكيد لحسابك هتقوم بوضع الكود مكانه وتضغط تفعيل 

8/هتضغط علي طلبات ثم الضغط علي اي خدمة تريد استخدامها 

لو هتقدم في الاعلان 16 خد بالك من الملاحظات الاتية 

1/ لو هتعمل شهادة دخل من محاسب قانوني لازم تعملها بمبلغ اكبر من ١٥٠٠ لان ده الحد الادني للتقديم والحد الاقصي للاعزب ٦٠٠٠ و للاسرة ٨٠٠٠ جنيه

2/ الناس اللي سنها كبير في الاربعين هيطلب منك مقدم كبيييير لانك هتقسط علي عدد سنين قليلة 

3/ يقصد بالتخصيص بالقرعة الالكترونية هو تحديد رقم العمارة والدور والشقة لان في ناس بتزعل لما يتخصص لها دور ارضي او اخير 

وفيه اقرار في الكراسة الناس بتمضي عليه بالموافقة علي التخصيص بالقرعة الالكترونية ومتنساش استمارة الحجز اللي في الكراسة

4/ يعني ايه اولوية ؟؟

نفرض مثلا في مدينة ما الحكومة بنت 10 الالاف شقة واللي اتقدم عليهم 50 ألف 

في الحالة دي بيتم تطبيق الاولوية اللي هي كالاتي 

1/المتزوج الذي يعول الاصغر سنا 

2/الارملة التي تعول 

3/المطلقة التي تعول

في حالة تساوي السن تكون الاولوية للاسرة الاكبر عددا  

4/ الاعزب

طبعا توجد نسبة 5% لذوي الاحتياجات الخاصة

كدة ال10 الالاف شقة اتحجزوا طيب الباقي 40 ألف متقدم هيروحوا فين 

وقتها هيتم فتح باب التحويل لمدن اخري في نفس الاعلان او يسحب فلوسه او يترك فلوسه ويدخل الاعلان القادم وله الاولوية 

الكلام ده حصل بالفعل في الاعلان الثالث والخامس والسابع  اتحولوا للاعلان الثامن ودفعوا الفرق 

وحصل للاعلان الثامن والتاسع واتحولوا للاعلان العاشر ودفعوا الفرق 

5 /نيجي بقا للمقدم اللي هيطلبوا البنك اثناء التخصيص ؟؟

طبعا الشقة بنظام قرض تمويل عقاري بيتم احتساب المقدم حسب السن والدخل والعمل وبذلك المقدمة هتكون عالية بسبب ارتفاع سعر الشقة في الكراسة

الرد علي اكاذيب الفيس بوك واللي بيقولكم معلومات غلط 

القيد العائلي مطلوب من المتزوج اولاد او بدون اول لكن الارامل والمطلقات التي تعول يعني في اولاد  فقط مطلوب منهم  لكن ارملة او ارمل او مطلق او مطلقة او اعزب ومفيش ولاد مش مطلوب قيد عائلي

لو اعزب مش مطلوب منك عقد ايجار هتقدم وصل كهرباء او مياه او غاز او تليفون حاجة واحدة بس منهم لكن لو انت متاجر هتقدم عقد الايجار لو قاعد وشغال بعيد عن مكان الاسرة

اللي بيقولكم لو عندك حساب في البنك فيه اكتر من ٥٠ الف جنيه مش ينفع لو عندك حساب في البنك مهما يكون اللي في الحساب او شهادات استثمار ملهوش اي علاقة بالتقديم لان بتتعامل بمفردات مرتبك فقط في الدخل غير كدة اسمها دخل اضافي ملهوش اي علاقة خالص

لو عندك عربية تقدم عادي مهما كان نوعها اهم حاجة الشروط تنطبق عليك من حيث مفردات المرتب الحد الادني ١٥٠٠ والاقصي للاعزب اعلي حاجة ٦٠٠٠ والاسرة الحد الاقصي ٨٠٠٠ جنيه 

واخد قرض او عندك فيزا مشتريات تقدم عادي وهتتقبل في حالة تسديد القرض وغلق فيزا المشتريات عند تحويلك للبنك للتعاقد النهائي  

القيد العائلي من السجل المدني بيقولك ايه الاوراق المطلوبة وطبعا" كل حالة اجتماعية ليها ورق معين يعني المتزوج غير المطلق وهكذا وملطوب من اللي عندهم اولاد فقط سواء مطلقة او ارملة لكن المتزوج مطلوب منه سواء عنده اولاد او لا 

البرنت التاميني بتجيبه من التامينات بالبطاقة فقط  ومطلوب من الكل الزوج والزوجة والاعزب اي حد هيقدم لازم يقدموه 

لو في اخوات وعايزين يقدموا يقدموا مهما كان العدد المهم بس الزوج والزوجة يقدموا طلب واحد  فقط لكن الاخوات يقدموا مهما كان عددهم

لو ورثت شقة مع حد يعني انت واخواتك مثلا" ينفع تقدم طول ما لا تمتلك وحدة كاملة لوحدك وبكرر واحدة كاملة ليك مش ربع شقة ولا نصها المهم انك لا تمتلك ولا ورثت شقة كاملة 

شقق وزارة الاسكان تمليك وليست حق انتفاع وتورث للورثة بعد الوفاة ولو صاحب الطلب اتوفي لا قدر الله يستكمل الورثة التسليم وتنقل الوحدة للورثة واذا صاحب الطلب تجاوز سن الخمسين عاما" ينقل الي الابن الاكبر من ٢١ عاما"

اللي كان مقدم في الاعلانات السابقة وسحب فلوسه وعايز يقدم في الاعلان ال14 لازم تجيب مستند من بنك التعمير والاسكان يثبت انك سحبت فلوسك من الاعلان القديم وهترفعه مع اوراقك في التقديم

* بعض الشروط العامة * 

السن من 21 الي 50 سنة 

ان يكون المتقدم او زوجته مستفدوش بدعم سابق من الحكومة سوء شقة او ارض 

ان يكون المتقدم مقيم بالمحافظة اللي هيقدم فيها اقامة او عمل 

ان يكون المتقدم ليس مالكا لشقة او وراث في بيت عائلة 

بالصور شرح خطوات وطريقة التقديم في الاعلان الرابع  عشر ..

اولا :دي طريقتي الخاصة في التقديم وفي شرح بطريقة اخري في كراسة الشروط 

هتنفذ خطواتي مظبوط هتقدم صح ذي باقي الاعلانات السابقة لو هتروح مكتب كمبيوتر خليك مصحصح وتابع الخطوات معاه بنفسك عشان اي خطأ هيمنعك من التقديم وتضيع عليك فرصتك 

بسم الله الرحمن الرحيم نبدء في الشرح 

الاوراق المطلوبة * 

 *العازب 

 1/صورة بطاقة الرقم القومي سارية 

2/مفردات مرتب من جهة العمل مختومة وموضح بها صافي الدخل للناس اللي بتشتغل في القطاع العام او الخاص

 بالنسبة للاعمال الحرة هتعمل شهادة دخل من محاسب قانوني معتمد من البنك المركزي  وصورة من كارنيهو 

بالنسبة للي شغال في محل او كافيه او ورشة هتعمل شهادة دخل منه تتختم بختم المكان اللي شغال فيه  

3/برنت تأمينات اجتماعية

4/وصل مرافق (كهرباء او غاز او ماء) 

لو حضرتك ساكن في ايجار هترفق صورة من عقد الايجار 

* المتزوج 

1/صورة الرقم القومي للزوج ساريه 

2/صورة الرقم القومي للزوجة سارية 

3/ مفردات مرتب الزوج او شهادة دخل 

4/مفردات مرتب الزوجة او شهادة دخل ولو الزوجة لا تعمل هتكتب اقرار بخط ايدها انها لا تعمل بالقطاع العام او الخاص او الاعمال الحرة 

5/ برنت تأمينات للزوج 

6/برنت تأمينات للزوجة 

7/ صورة عقد الايجار 

8/ وصل مرافق للسكن الحالي 

9/ قسيمة الزواج 

10/ شهادات ميلاد الاطفال 

11/قيد عائلي

*المهن الحرة 

لو عندك محل او ورشة او قهوة او اي منشأة تمتلكها هترفق صورة السجل التجاري وصورة من البطاقة الضريبية

* الارامل 

1/صورة الرقم القومي 

2/بيان معاش

3/ شهادة الوفاة 

4/ صورة عقد الايجار 

5/وصل مرافق 

6/شهادات ميلاد الاطفال 

ملحوظة/ لو المعاش صغير اقل من ١٥٠٠  يتم عمل شهادة دخل عند محاسب قانوني بحد ادني ١٦٠٠ جنيه 

*المطلقات

1/ صورة الرقم القومي 

2/بيان نفقة 

3/ صورة عقد الايجار 

4/ وصل مرافق

5/ شهادات ميلاد الاطفال 

6/قسيمة الطلاق 

ملحوظة / لو مش بتاخدي نفقة هتكتبي اقرار انك لا تتقاضي نفقة وتجيبي مستند من بنك ناصر او الشؤون الاجتماعية يثبت ذلك وتقدمي شهادة دخل من محاسب قانوني انك بتشتغلي حر او لو انتي شغاله في قطاع عام او خاص او محل تقدمي مفردات مرتب من مكان عملك 

*ذي الاحتياجات الخاصة

1/صورة الرقم القومي 

2/مستند الاعاقة 

3/صورة عقد الايجار او لو ساكن مع اسرتك هتقدم وصل مرافق فقط 

4/وصل مرافق

5مفردات مرتب لو بتشتغل قطاع عام او خاص او شهادة دخل من محاسب لو اعمال حرة توضح صافي الدخل 

6/برنت تأمينات لو مؤمن عليك 

* المدرسين 

هتقدم كل الاوراق الخاصة بك وهتضيف عليهم بيان بمكفأة الامتحانات 

*السواقين 

هتقدم الاوراق المطلوبة منك وهتضيف صورة الرخصة 

*الناس اللي بتشتغل بره مصر 

هتعمل مفردات راتب من جهة عملك وتعتمدها بالقنصلية المصرية وهتقدم باقي الاوراق الخاصة بك من داخل مصر 

**طريقة التقديم **

1/ هتذهب الي مكتب البريد وتشتري الكراسة 

2/هتدفع مبلغ جدية الحجز ومصاريف الاستعلام في البريد وهتاخد بهم ايصالات مختومة بختم مكتب البريد 

3/ هتحول جميع اوراقك والايصالات واستمارة البيانات بتاعة الكراسة بعد ما تملأها بخط واضح  الي صيغة bdf  الي ملفين 1/ اوراقك في ملف 2/وصلات البريد في ملف اخر 

وهشرحلك اذاي تعملها 

ممكن تعمل ده بنفسك هتصور اوراقك بالموبايل وهتظبط الاعدادات بتاعة الكاميرة علي ان تكون حجم الصورة صغير وهتنزل برنامج اسمه cam scanner من جوجل بلاي وتحول الصور الي bdf من خلاله وتحفظ الملف في موبايلك وانا شرحلك في الفيديو اسفل الموضوع الطريقة دي بسهولة 

لو معرفتش تنفذ الطريقة دي ممكن تذهب الي مكتب كمبيوتر يحولك اوراقك الي صيغة bdf 

4/ هتنشأ حساب ليك علي موقع صندوق التمويل العقاري وهشرحلك اذاي تعمله 

أ/ هتدخل علي الرابط  اضغط هنا

وهتبدء تملأ استمارة التسجيل (( صورة رقم 1))الاسم ورقمك القومي والتليفون  وكلمة المرور وتأكيد كلمة المرور 

# ملحوظة كلمة المرور هي اي رقم مكون من 6ارقام وتحفظه كويس جدا  اكرر تاني احفظه كويس جدا عشان هتحتاجه 

وبعدين هتختار النوع ذكر او انثي والحالة الاجتماعية 

وتعلم تعلم تعلم تعلم علي المربع الصغير المكتوب جانبه لقد قرأت وقبلت الشروط والاحكام 

3/ هتضغط علي كلمة تسجيل 

4/ هيأتي ليك كود تأكيد في رسالة علي تليفونك من mff egypt

5/ متخرجش من الصفحة قبل ان تضع الكود في المربع الخاص به وتضغط تاكيد وتجيلك اشعار تم الانشاء بنجاح 

لان لو خرجت قبل ان يتم الانشاء بنجاح عمرك مهتعرف تقدم ابدا ابدا 

وبكدة حضرتك بقا عندك حساب 

ا*الخطوة الثانية هتعمل تسجيل دخول من الرابط اضغط هنا

!!/

وطبعا هتكتب رقمك القومي وكلمة المرور اللي انت اختارتها بنفسك اثناء انشاء الحساب ((صورة رقم 2)) ثم تضغط علي  تسجيل الدخول 

هتتفتح معاك صفحة هتضغط علي (( تقديم طلب وحدة سكنية))  مثل صورة رقم 3

هتفتح معاك صفحة مثل صورة رقم 4  هتعلم علي المربع الصغير المكتوب جانبه لقد قرأت وقبلت شروط الاستخدام وبعدين هتضغط علي اوافق اللي في المربع الاحمر 

هتتفتح معاك صفحة رقم 5 استمارة تقديم طلب حجز وحدة سكنية هتلاقي بعض بياناتك مسجله هتكمل البيانات وتملأ الحقول الفارغة وهي كالاتي 

# * بيانات مصدر الدخل #*

تصنيف جهة العمل هتضغط علي المستطيل هيظهر اختيارات تختار منها نوع عملك 

محافظة العمل هتصغط علي المستطيل وتختار محافظتك

جهة العمل هتكتب عنوان عملك او عنوان مكتب المحاسب اللي عملك شهادة الدخل 

وصف تفصيلي لجهة العمل هتكتب نفس جهة العمل

المؤهل الدراسي هتضغط علي المستطيل وتختار مؤهلك عالي متوسط اقل من متوسط 

الرقم التأميني هتكتب رقمك لو مؤمن عليك

صافي الدخل الشهري هتكتب فيه مرتبك

اجمالي صافي الدخل هتكتب فيه مرتبك

#*محل السكن*#

هتملأ بيانات عنوانك

#*الوحدة السكنية المراد شرائها*#

الاعلان الرابع عشر وتختار المحافظة والمدينة

#*المرفقات*#

هتعلم علي المربع الصغير جنب المستندات وهتلاقي مربعين كبار مكتوب فيهم ((اختيار ملف))  مثل صورة رقم 6  المربع الاول هتضع فيه ملف pdf اوراقك كلها 

المربع الثاني هتضع فيه ملف pdf  الوصلات اللي هتخدها من البريد 

#* طريقة الدفع*# 

هتعلم علي الدائرة الصغيرة 

تم الدفع عن طريق البريد 

واخيرا هتضغط علي ارسال مثل صورة رقم 7

وهتنتظر اشعار يظهر لك ان تم التقديم بنجاح 

خلي بالك علشان تتقبل ١٠٠٪ هتختار كدة وانت بتقدم علشان يبقا ليك اولوية انت ممكن تختار مدن مجاورة بس في احتمال تترفض فا اختار كدة افضل علشان تتقبل ١٠٠٪ مش ٩٥٪ 

اهم حاجة بقا المقدم النهائي عند التعاقد وده مهم اوي اوي  لازم تسمع الفيديو ده كامل اوعي تسيب منه ثانية لان مترتب علي بعض

هديك مثال عن الاعلان اللي فات وركز معاياو

المقدم عن التعاقد مهم اوي تعرفوا وهيكون عالي في الاعلان ده بسبب ان سعر الشقة غالي ٢٤٤ الف ٧٥ متر و ٣١٠ الف شقة ٩٠ متر طبعا" غير وديعة الصيانة اللي بتكون ٥٪ من سعر الشقة يعني الشقة ٩٠ متر = ٣١٠٠٠٠ + ٥٪ وديعة الصيانة = ٣٢٥٥٠٠ جنيه  تعال بقا نحسب المقدم 

سعر الشقة هنطرح منه مقدم الحجز مثلا" لو الشقة ٩٠ متر يعني ١٥٥٠٠ + ٢٦٠٠ اقساط ربع سنوية يعني ١٢ قسط يبقا كدة ١٢ × ٢٦٠٠ = ٣١٢٠٠ جنيه كمان هنطرح منها الدعم اللي بيكون من ٥٠٠٠ جنيه حتي ٦٠٠٠٠ جنيه وطبعا" كل ده بيتعمد علي مرتبك يعني لحد مرتب ٢١٠٠ احتمال تاخد الدعم كامل ٦٠ الف يتخصم من سعر الشقة وده دعم من الدولة وكل ما مرتبك عالي كل ما بيقل الدعم اللي هتاخده من ال ٦٠ الف هفترض مثال ان حد مقدم مرتبه مثلا" ٢٠٠٠ جنيه  نشوف هيدفع مقدم كامل عند التعاقد النهائي

المقدم النهائي يساوي = ٣٢٥٥٠٠ ( سعر الشقة بعد اصافة وديعة الصيانة ) - اللي دفعوا قبل التحويل للبنك ( ١٥٥٥٠٠ مقدم الحجز + ٣١٢٠٠ (اقساط ربع سنوية ٢٦٠٠ × ١٢ قسط ) - ٦٠٠٠٠ الدعم اللي هتاخده حسب مرتبك وبيتخصم من سعرها )

المقدم النهائي = ٣٢٥٥٠٠ - ( ١٥٥٠٠+ ٣١٢٠٠+ ٦٠٠٠٠ )

المقدم النهائي = ٢١٨٨٠٠ وده المتبقي من سعر الشقة 

المقدم ده بيكون منقسم الي قرض تمويل عقاري بفائدة ٧٪ متناقصة ومبلغ تاني انت هتدفعوا عند التعاقد النهائي 

بمعني انت مرتبك ٢٠٠٠ جنيه كل واحد حسب مرتبه البنك يقدر يديك قرض تمويل عقاري بيختلف قيمة القرض من شخص لاخر  يعني كل ما مرتبك عالي هتاخد قرض كبير وده بيتخصم من المقدم النهائي  يعني البنك هيشوف مرتبك كام ويقدر يديك قرض كام مثلا" ٢٠٠٠ جنيه البنك ممكن يديك قرض مثلا" ١١٠ الف طيب المتبقي من سعر الشقة ٢١٨٨٠٠ جنيه يبقا هتدفع كام مقدم نهائي

المقدم النهائي عند التعاقد بعد خصم قرض التمويل العقاري = ٢١٨٨٠٠ - ١١٠٠٠٠ = ١٠٨٨٠٠ جنيه 

ايه المطلوب منك علشان تعرف المقدم النهائي وده تقريبي مش بالظبط بس هيفرق حاجات بسيطة جدا" تتواصل مع البنك وتسال تقولهم مرتبي كذا اقدر اخد قرض تمويل عقاري الخاص بمحدودي الدخل فائدة ٣٪ لازم تحدد لان في قروض تانية ملكشي دعوة بيها تحدد قرض تمويل عقاري فائدة ٧٪ هيقولك تاخد قرض كذا تعمل الحسابات دي وطبعا" لازم تخلي بالك قيمة الدعم بتختلف يعني مش كله ٦٠ الف يتخصم ده حسب مرتبك تنفذ الحسابات دي هتعرف المقدم كام