عاجل برخص التراب طرح مليون شقة تقسيط الاسبوع المقبل

شقق الاسكان الاجتماعي سكن كل المصريين

لازم تقراء الكلام ده بالكامل علشان تتقبل 100% في شقق الاسكان الاجتماعي سكن كل المصريين 3

 النهارده باذن الله هنتكلم عن موضوع مهم جدا هنتكلم عن شقق الاسكان الاجتماعي طبعا شقق الاسكان الاجتماعي بتكون بالتقسيط على 30 سنه بسبب مبادره الرئيس السيسي الخاصه بفائده ثلاثه في المئه

في سؤال مهم جدا هل الاعلان المطروح دلوقت اللي هو اسمه سكن كل المصريين ٣ هل هو الاعلان السادس عشر الاعلان ١٦؟ ايوه فعلا هو الاعلان السادس عشر. وزاره الاسكان. ابتداء من. الاعلان الرابع عشر ما بقتش تسمي  الاعلان برقم. لكن بيتسمى الاعلان باسم سكن كل المصريين يعني الاعلان الرابع عشر سكن كل المصريين واحد الاعلان ال 15 سنه كم كل المصريين 2. الاعلان السادس عشر سكن كل المصريين ثلاثه.

الاعلان ده كويس جدا ويا ريت كل الناس تقدم فيه. الاعلان ده مافيهوش القاهره القاهره هتنزل بعد فتره قريبه. ممكن تقدم على اكتوبر الجديده لو انت من القاهره؟ بس لو اكتوبر الجديده بعيد عن سكنك متقدمش. استني الاعلان اللي جاي. عشان هتنزل فيه بدر و15مايو و  العبور لسكان القليوبية وطبعا كل المدن والمحافظات الخاصه ب سكان القاهره. علشان تعرف تستفاد من الشقه. لانك لو اخذت دلوقت. اكتوبر الجديده. وهي بعيد عن سكنك انت مش هتستفاد حاجة 

ناس كثير بتسال  مين ينفع يقدم على الشقه كل الناس تنفع تقدم على شقق الاسكان لو كنت موظف حكومي او موظف في قطاع خاص او موظف في قطاع الاعمال العام او شغال اعمال حره زي مثلا سباك نجار نقاش شغال باليوميه شغال في صيدليه اي شغل تنفع تقدم في شقق الاسكان الاجتماعي المهم ان مرتبك ميكونشي اكثر من 1500 جنيه وما يزيدش عن 6,000 جنيه لو انت اعزب  ولو انت متجوز.ممكن تقدم المهم مرتبك ميكونشي اقل من  1500 جنيه وما يزيدش عن  8000 جنيه للاسره يعني مرتب الزوج والزوجه ما يزيدش عن كدة

لو هتقدم على شقق الاسكان الاجتماعي لازم تقدم مرتب الزوج والزوجه يعني مش مرتب الزوج بس بمعنى لو الزوج مثلا مش بيشتغل بيكتب اقرار على نفسه ان هو مش بيشتغل و لو الزوجه مش بتشتغل بتكتب اقرار انها مش بتشتغل المهم ان الزوج والزوجه يقدموا مفردات مرتب الاتنين لكن اللي فيهم مش شغال يعني لو الزوجه مش شغاله بتكتب اقرار  لا تعمل بتكتب الاتي  تكتب اسمها ورباعي احمل  رقم قومي وتكتب الرقم القومي اللي 

موجود في البطاقة بالكامل بانها لا تعمل في اي قطاع خاص او قطاع عام او قطاع الاعمال العام او اي مهنه حره وهذا اقرار منى بذلك يبقى معنى كده ان الزوجه لا تعمل في الحاله دي الزوج بيقدم المرتب بتاعه بس وخلي بالكم ده كلام مهم جدا لازم الزوجه تقدم ان هي لا تعمل لو كانت لا تعمل

من ضمن كمان الحاجات المهمه جدا ما ينفعش حد يقدم في اي محافظه وخلاص ينفع ان انت تقدم في محافظه انت شغال فيها وينفع انك تقدم في محافظه انت مولود فيها و مكتوب في بطاقتك انك انت ساكن في المحافظه دي و ممكن تقدم كمان في محافظه مجاوره ليك . بمعنى واحد مثلا عايش في القاهره والمحافظة اللي جنبه الجيزه ينفع يقدم في الجيزه لان الجيزه محافظه مجاوره لمحافظه القاهره.

من ضمن الحاجات المهمه جدا ان البطاقه تكون ساريه لازم بطاقه الزوج والزوجه او المتقدم بشكل عام لشقق الاسكان الاجتماعي لازم تكون البطاقه ساريه ما تكونش منتهيه من ضمن الحاجات المهمه جدا كمان ان وانت بتشتري كراسه الشروط لازم تشتريها بالبطاقه الشخصيه بتاعتك يعني ما ينفعش ان انا مثلا انا هقدم على شقق الاسكان و اخلي اخويا يجيب الكراسه باسمه هو وبطاقته لا لازم تكون باسمي وببطاقتي انا . لازم تكون كراسة الشروط باسم اللي هيقدم يعني لو انا هقدم لازم تكون كراسه الشروط باسمي انا لاني انا اللي هقدم 

من ضمن  المعلومات المهمه جدا كمان القيد العائلي القيد العائلي مطلوب من اي حد هيقدم على شقق الاسكان اي حد معاه اولاد لازم يقدم القيد العائلي ما عدا طبعا الاعزب والمطلقه لو ما كانش عندها اولاد ولا ارمله لو ما كانش عندها اولاد  لكن لو كان في اولاد لازم يتعمل القيد العائلي الاعزب فقط ما لهوش قيد عائلي نهائي .

من اهم الاوراق اللي لازم كل الناس تقدمها وبتكون مشتركه فيها وهي بتقدم على شقق الاسكان الاجتماعي  طبعا بطاقه شخصيه ومفردات المرتب لو كان المتقدم اعزب فقط بيقدم مفردات مرتبه هو فقط ولو كان متجوز بيقدم مفردات المرتب للزوج والزوجه. طبعا المطلقه لازم تقدم قسيمه الطلاق ولو بتاخد معاش بتجيب بيان معاش من التامينات الاجتماعيه بقيمة المعاش بتاعها او ممكن البنك حسب ما بتحسب معاها وطبعا لو اعزب مش مطلوب منه عقد الايجار بيقدم بس وصل كهرباء او ميه او غاز انه يعيش مع الاسره .